Pentsioen aldeko ezohiko elkarretaratzea egin dute gaur eguerdian: erretako gaztainak partitu dizkiete bertaratutakoei, gaur da-eta Gaztanerre eguna.
Bestalde, iragarri dute zapatuan, 12:00etan Debabarreneko pentsiodunen mugimenduek manifestazioa egingo dutela Eibarren, Untzagatik abiatuta.
Besteak beste, pentsioak Konstituzioan blindatzea, KPIren araberako eguneratzea eta 1.080 euroko gutxieneko pentsioak aldarrikatuko dituzte.