12 eta 16 urteko gazteek sukaldaritza lehiaketaren bitartez ikusarazi zuten udalerriko identitate aniztasuna. Goizean Plaza Zaharreko karpan elkartu eta ordubetez kozinatzen ibili ondoren egindakoak epaimahaiari aurkeztu zizkioten, pintxo onenak zeintzuk ziren erabaki zezan. Britania Handiko postreak eskuratu zituen puntu gehien.
Txostenean batu eta argitaratu
Zapatuko pintxo lehiaketa urrian ikastetxean lantzen ibili diren gogoetaren amaiera izan zen; hain justu hura bultzatu zuen Eusko Ikaskuntzak, Gipuzkoako Foru Aldundiaren eta Soraluzeko Udalaren laguntzarekin, gazteak ahaldundu eta hiritartasun eredu berriari buruz gogoeta egin zezaten. Aztiker Ikerguneak zuzenduta, lan horretan egindako eta lortutako helburuak txosten batean batu eta argitaratu egingo dituzte aurrerago.