Gaztañerre azoka dela-eta, biharko barikua, libre laga behar da Erregetxeko aparkaleku osoa. Bestalde, zapatuan lehen ordutik itxita izango da erdiguneko zirkulazioa, eta ibilgailuek Estaziñotik eta Errabaletik egin beharko dituzte joan-etorriak. Eta frontoia ere zapaturako libre laga beharko da, baserritarrendako eta artisauendako.
Bihar, barikua, hasiko dira muntatzen Gaztañerre azokarako postuak eta taula, Erregetxean. Hori dela-eta, bertan aparkatutako ibilgailuek 08:00etarako erretiratuta egon behar dute. Ipinita daude hori jakinarazten duten hesiak eta kartelak.
Erdigunea eta frontoia
Bestalde, zapatuan goizeko lehen ordutik erdigunea zirkulaziorako itxita egongo da, jai-egunetan moduan. Eta frontoiko aparkaleku guztiak libre egon beharko dute zapatuko lehen ordurako, baserritarrek eta artisauek bertan aparka dezaten.
