Badoa itxuratzen 80 urtetik gorakoen aurtengo topaketa. Bihar, eguena, erabakiko dute zein emakumezko eta gizonezko omenduko dituzten azaroaren 16ko ekitaldian, eta dagoeneko erabakita dute, aurten dantzaldia barik, kantaldia egingo dutela. Horretarako mexikar kantuak interpretatzen dituen abeslaria ekarriko dute.
85 herritarrek ja eman du izena topaketarako; 110 lagunendako lekua dagoela kontuan hartuta, bertaratu nahi ezkero, komeni da izena ahalik eta lasterren ematea. Bihar, eguena, 11:00-12:00ak bitartean egongo dira Itxaropenako bulegoan horretarako, eta baita datorren asteko martitzenean ere.