Bukatzen dabiltza Dolmenen Ibilbideko aurtengo indusketa lanak. Sabuako tumulua induskatzen hasi dira aste honetan, eta datozen egunotan bukatuko dituzte lanak. Hain justu, tumulua garbitu eta kamera lokalizatu dute eta bertan sakontzen dihardute egunotan.
Aurkikuntzak
Sabuako indusketak izango dira Dolmenen Ibilbidean aurten egingo dituzten azkeneko lanak. Elosun hasi ziren lanean maiatzea Agerreburuko tumuluan, eta Irukurutzetan eta Frantsesbason ere jardun dute. Hilabeteotan, hainbat aurkikuntza garrantzitsu egin dituzte trikuharriotan eta datozen asteotan emango dute haien berri.
Lanok Jesus Tapia Aranzadi Zientzia Elkarteko arkeologoaren zuzendaritzapean egin dira, boluntarioen laguntzarekin, eta tartean izan dira hainbat soraluzetar ere.
Argazkiak: Ramon Gallastegi.