Bihartik aurrera erdigunea itxita

Zubi nagusia gaur goizean.

Oraingo barikua jai-eguna denez, Udaltzaingoak gogora ekarri du bihar, eguena, erdigunea itxi egingo dutela zirkulaziorako. Hain justu, bihar 18:00etarako igoko dituzte piboteak.

Bihar eguena, 18:00etatik itxita izango da erdigunea ibilgailuendako. Barikuan egun osoz egongo da horrela, eta zapatuan, berriz, goizez zabalduko dute, 13:00ak bitartean. Gero, astelehenera bitartean, ostera ere itxita izango da erdigunea, Antxintxika Lasterketa egiten den momentuan izan ezik.