Kolore arrosaz jantzi zen Donostia domekan, Katxalin elkarteak antolatutako martxaren bueltan. Alderdi Ederretik abiatu zen ekimena, eta lau kilometroko ibilbidea egin ondoren, atzera ere Alderdi Ederren borobildu zuten goiza, kirola eginez. “Helburua marea arrosa handia sortzea da, bular minbiziaren aurkako borroka erakusteko”, azpimarratu zuten Katxalin elkartetik, eta bete zuten egitasmoa.
Bada, marea arrosa horren partaide izan ziren ere Soraluzetik bertaratutako emakume taldea ere. Baten batek aurreko edizioetan parte hartu zuen, eta gainerakoak gogotsu zeudenez, animatu eta elkarrekin ibili ziren domekan.