Altsasuko gazteen gurasoek eta Altsasukoak aske plataformak deituta, zapatu arratsaldean, 17:00etan, elkarretaratzea egingo dute Nafarroako Justizia Jauregiaren aurrean. Epaia "astakeria eta zentzugabekeria" dela salatu dute eta Auzitegi Konstituzionalera eta Estrasburgora joko dutela ziurtatu dute.
Herritik autobusa antolatu dute bertara joateko eta zapatuan, 15:00etan, aterako da Estaziñotik. Izena Arrano tabernan eman daiteke.