Balkoia batean, loreontzia bestean eta atzean seinalea zituela, nahikoa lanekin ibili da Lurraldebuseko autobusa Zubi Nagusian buelta emateko. Ezustean ailegatu da bertara, Errabaletik aurrera eginda, Olatik jo beharrean. Eta hantxe, Zubi Nagusian aurkitu du aurrera egiteko bidea itxita.
Hori horrela, eta Udaltzaingoaren eta Udaleko lan-taldeko kideek lagunduta, maniobratan jardun du 15 minutu pasaz; loreontzi bat mugitu behar izan dute autobusaren maniobrei lekua egiteko. Seinalea jo du, baina bota barik. Eta segi eta segi, azkenean lortu du buelta ematea. Orduan, atzera ere Errabaletik bideratu dute autobusa, kontrako noranzkotik, alegia, Olatik igota har dezan Eibarrerako bidea.