Joan zen astean beste mendi batzuetan egin zuten bezela (Aiako Harriak, Aloña...), barikuan Karakateko mendigaina argitxoz betetzeko ekimena antolatu du Gure Eskuk, Kataluniari babesa adierazteko. Proposamena Elgoibarko herritar talde batek egin du eta ekimenarekin bat egin dute Soraluze eta Eibarko Gure Esku taldeek.
Soraluzeko Gure Eskuk bi hitzordu jarri ditu mendi gainera abiatzeko: lehenengoa, oinez joan nahi dutenendako, arratsaldeko 17:30ean plazatik; eta bigarrena, autoz dozenendako, arratsaldeko 18:30ean, Erregetxetik.
Horrekin batera, parte hartzaileei "motxilan" ondorengo materialak eroatea gomendatu diete: merienda, ura, txiskeroa, argazki kamara, berokia, frontala edo linternak, kantinplora...
Deitzaileek adierazi dute beharrezkoa dela izena ematea eta horretarako eskatu dute 647727943 zenbakira Whatsapp mezua bidaltzeko (Maite, Soraluzeko Gure Esku).