Sareko ordezkariek azaldu dutenez, urriaren 27ko martxa goizeko 10:00etan aterako da Elgoibartik eta 13:00etarako helduko da Oñatira, eta han ekitaldi bat egingo dute zeinetan Joseba Azkarraga Sareko ordezkariak berba egingo duen.
Soraluzetik 9:00etan
Soraluzeko Sarek jakinarazi duenez, martxan parte hartuko duten soraluzetarrak goizeko 9:00etan batuko dira Zubi nagusian Elgoibarrerantz joateko, martxari gainerako guztiekin batera ekiteko. Bestela, martxa Soraluzetik pasatzen denean (10:30 inguruan) batzeko aukera ere izango du hala nahiago duenak.
Ildo horretan, Soraluzeko Sarek dei egiten die soraluzetar guztiei "goiz horretan bizikleta hartu eta martxara bil daitezen, preso adinduen eskubideen alde". Dagoeneko izena eman daiteke Bolian edo Arranoan.