Eguaztenean, 60-70 bat lagun joan ziren Donostia-Usurbil-Zarautz ingurura egun pasa. Hasteko, Ordiziako azoka ikusi zuten, eta gero Donostian pasa zuten bazkalordura arteko denbora. Ondoren Usurbilgo sagardotegi batean bazkaldu zuten eta eguna borobiltzeko, arratsalde-pasa egin zuten Zarautzen.
Sukaldaritza lehiaketa
Hurrengo hitzordua urriaren 22an dute. Egun horretan, haragi gisatu lehiaketa egingo dute. Ohi dutenez, zortzi bikote inguruk prestatuko dute haragi gisatua Itxaropenako terrazan eta epaimahaiak erabakiko du zein den gozoena. Gero lehiaketako haragi gisatua bazkalduko dute 104 lagunek.
Jakinarazi dutenez, dagoeneko leku guztiak beteta daude, lehiaketarako zein ondorengo bazkarirako.