Aurrera doaz kiroldegian solairu berria eraikitzeko lanak. Aste honetan buru-belarri dabiltza padel pista ondora materiala igotzen, teilatua eutsiko duten habeak, batik bat. Eta egunotan haietako batzuk ipinita lagako dituzte.
Errepidea zabalduko dute
Hain justu, gaurko lanak bukatuta, errepide erdian dauden kamioia eta garabia bertatik erretiratu egingo dituzte eta zirkulaziorako zabalik utziko dute errepidea, astelehenera arte. Modu horretan, asteburuan erdigunea itxi egingo dute, oinezkoei lehentasuna emanez. Hori bai, astelehenerako atzera ere itxiko dute errepide zatia eta zirkulazioa herri barrutik desbideratuko dute.
Autobusei dagokienez, berriz, haien geralekuak ez dituzte lekuz aldatuko harik eta errepidea berriro ere behin betiko zabaltzen duten arte. Beraz, Estaziñora jo behar da autobusak hartzera.