Bihar kiroldegiko aretoan zabalduko duten erakusketan ikusi ahalko dira Alberto Arizagak , Fernan Oregik, Ekaitz Uzinek eta Mikel Valerok 2019an ateratako hainbat argazki. 30 inguru izango dira, eta denetarik erakusten dute: Añanako gatzagak, New York, Mosku, San Petesburgoko Hermitage museoko panoramika bat zein Andaluziako hondartzak.
Hain justu, bihartik urriaren 26ra bitartean izango da zabalik erakusketa, ohiko ordutegian: 19:00-20:30ak arte egunero eta zapatuetan 12:00-13:30ak arte.
2020ko egutegia
Erakusketa honen ondoren, Kontrargi kolektiboak abenduan ipiniko du urteko azkena.
Horrez aparte, lehenago 2020ko egutegia salgai ipiniko dute. Alberto Arizagak, Kontrargiko kideak esplikatu duenez gertu dute dagoeneko: “Eginda dago. Gaztañerre aurretik banatuko dugu, ohiko saltokietan, bi euroren truke. Herriko txokoei erreferentzia egiten dieten argazkiak dira. Polita geratu da; badaude bi lagun Kontrargiko kide ez direnak eta haien argazki bina ere izango dira egutegian. Gainerakoak Mikel Valerorenak eta nireak dira”.