Gaur, astelehena, Donostian manifestazioa egin ondoren martxak abiaraziko dituzte greban diharduten Gipuzkoako egoitzetako langileek. Urriaren 18ra bitartean iraungo dute mobilizazioek, greba amaieraren bezperara arte, alegia. Eta Soraluzeko egoitzako langileek ere parte hartuko dute haietan.
Hori horrela, bihartik hasi eta urriaren 18ra bitartean, honako udalerriak zeharkatuko dituzte martxekin: Beasain-Ordizia; Zumaia-Zarautz, Irun, Eskoriatza-Arrasate, Tolosa-Villabona, Errenteria, Eibar-Elgoibar (urriaren 16), Azkoitia-Azpeitia eta Donostia.
Badira dagoeneko bi aste greban eta mobilizaziotan dihardutela Gipuzkoako egoitzetako langileak ELA sindikatuak deituta. Joan den astean, esaterako, Soraluzen elkarretaratzea egin zuten, eta Bergaran kanpaldia (argazkian).