ELA sindikatuko ordezkariek helarazitako datuen arabera, Mesedeetako egoitzako zuzendaritzako langileek izan ezik, gainerako ia guztiek bat egin dute grebarekin, nahiz eta guztiek ezin duten lanuzterik egin, zerbitzu minimoak bete behar dituztelako.
Kontuan kontu, greban dira, eta baita mobilizazioetan ere. Barikuan Plaza Berrian elkarretaratzea egin zuten, eta gaur Debagoienetik zehar egindako auto-karabanan eta Bergarako elkarretaratzean parte hartu dute. Bihartik aurrera, berriz, Zinemaldiak eskaintzen duen eskaparatea aprobetxatuko dute euren protestarako.