Iraila eta urria kinto-bazkari-afariak egiteko hilabeterik gogokoenak izaten dira. Horren erakusle, bihar 1966, 1963, 1961 urteetan jaiotakoen kinto-bazkariak izango dira udalerrian. Irailean bigarren aldiz, bada, tabernek bi ordu beranduago ixteko aukera izango dute.
Ospakizun berezietan
Ekainean onartu zuen Soraluzeko Udalak dekretu bidez urteko hainbat egunetan bi orduz luzatzea ostalaritza establezimenduek duten ixteko ordua. Herrian ospakizun bereziak izaten diren egunak dira: kinto ospakizunak, Gaztañerre, Gabonak, jaiak, Berenjena Eguna…
Bada, irailean eta urrian badira halako zazpi egun. Izan ere, kintoak izan ala bestelako ospakizunen bat izan, iraileko eta urriko zapatu guztietan aplikatuko dute dekretua.