Urtebete da lehenengo kontzertua eskaini zutela Gasteizko Zaramagan, Añubeko Trobak izenpean, gerora Silvio eta Rodriguez izena jarri zioten taldeari. Harrezkero hogeitamar kontzertu baino gehiago eskaini dituzte. Silvio Rodriguezen kantuez gain, Hego Amerikako beste hainbat kantarirenak (Violeta Parra, Cahvela Vargas...) eta euskal kantari ezagun batzuenak (Xabier Lete, Mikel Laboa...) ere jotzen dituzte.
Elkarrizketaren amaieran, datozen egunetan eskainiko dituzten kontzertuen berri ere eman zuten. Eguenean Zaramagako Jaione tabernan joko dute, urriaren 12an Soraluzen eta urriaren 18an Laudion, Arrastiak Faktorian.
Elkarrizketa osoa entzungai dago albiste honetako audioan, 04:00 minututik 10:10 minutura. Jatorrizko audioa berriz, EITBren Nahieran.eus webgunean dago.