Bigarrengo aldiz bota dute Kurutzebakar inguruan motorren ibilera galarazita dagoela ohartarazten duen seinalea. Asteburuan aurkitu dute horrela. “Badirudi norbaiti kalte egiten diola…”, dio Iker Aldazabal alkateak, eta jakinarazi du “aurrekoan bezala, kartela berriz ere ipiniko” dutela.
Bakarrik baimendutakoak
Hain justu, Soraluzeko Udalak iaz ipini zituen halako seinale bi: Kurutzebakarren bata eta Gizaburuagako Dolmenaren beheko aldean bestea. Izan ere, eta Udaletik gogora ekartzen duten moduan, “mendigainean galarazita dago motordun ibilgailuekin ibiltzea( baimenduak ezik noski) bertan sortzen dituzten kalteak medio”.