Kantabriak Asturiasekin muga egiten duen ingurunea bertatik bertara ezagutuko dute Soraluzeko erretiratuek irailaren 23tik 26ra bitartean. Lehen aldiz elkartekoek hainbat egunetako txangoa antolatu dute.
Autobusean joango dira eta inguruan hainbat bisita planifikatu dituzte, besteak beste, Europako Mendiak (Picos de Europa) ikustera joango dira. Lo, berriz, hoteletan egingo dute.
Bigarren autobusa
Proba egiteko animatu dira Itxaropenako zuzendaritzakoak hainbat egunetako txangoa antolatzera, eta dagoeneko 46 lagunek eman dute izena. Lehen autobusa betez gero, beste 20 lagun beharko dituzte bigarren autobusa antolatzeko. Baina gertu daude horretarako eskaerarik balego.
Itxaropenatik esplikatu dutenez, “beste elkarte batek bidali zuen txango proposamena, ideia ona zela pentsatu, eta aurten proba moduan" egingo dute. Hori bai, irailera arte itxita izango da izena emateko aukera, Itxaropenako zuzendaritzakoak oporretan daudelako. Irailaren 5etik aurrera, ohiko, moduan martitzenetan eta eguenetan eman ahalko da izena, Itxaropena elkartean bertan.