Zezenekin ohi denez, eskapadatxoak ere egin zituen gazte batek baino gehiagok haiek zirikatu nahian. Eskerrak plazako zuhaitzen eta jarlekuen babesari askotan.
Hori bai, haietako batekin estropezu egin eta hanka apurtu zuen zezenetako batek. Beste bik, berriz, jarlekuari ondo begiratu, marruma egin eta ikusleen ezusterako gainetik salto eginda ahalegindu ziren pareko zirikatzaileak harrapatzen.
Kontuak kontu, bati begira eta besteari txaloka, hiru orduko ikuskizuna eman zuten Mutrikuko zezenek.