Negua ailegatu aurretik suntsitu behar izaten dira liztor beltzaren habiak, neguan aktibo izateari lagatzen diotelako, baina bien bitartean kalte handiak eragiten dituzte. Asiako liztorra espezie inbaditzailea da 2005az geroztik Europan, eta bertako erleak harrapatzen ditu. Euskal Herrira 2010ean iritsi zen; Amaiurren, Nafarroan aurkitu zuten lehen kolonia, eta harrezkero leku guztietara zabaldu dira.
Soraluzen, Gipuzkoako Foru Aldundiaren kanpaina dago indarrean, halako liztorren habiak suntsitzeko. 2014an hasi ziren zeregin horretan, Debemenen, Debabarreneko Landa Garapeneko Elkartearen bitartez. Orain arte, (2019ko kanpaina bukatu barik dago) 67 habia deuseztatu dituzte.