53. urtez etorri da Soraluzeko abuztuko jaietara Bizkaitik Herriko Musika Soinuak Bilbao izena duen musika banda, urtetan Erandioko Musika Banda izan dena.
Klasikoak eta modernoak
Jaietako lehen eguneko ekitaldi nagusi bilakatu da berau; izan ere, udalerrian geratzen diren herritarrek ohitura bilakatu dute Plaza Zaharrean lagunekin eta familiarekin elkartu eta aperitiboa hartuz, bandaren kontzertua entzutea Andramari jaiak hasteko.
28 bat lagun etorri ziren atzokoan Bizkaitik, eta ohi duten moduan, kantu klasikoak zein modernoak uztartu zituzten ordubeteko kontzertuan. Lehenago, kalerik kale ibili ziren, kalejiran, eguerdiko kanpaiak jotzeaz batera abiatuta.