Aizkolariak eta harrijasotzaileak izango dira aurten Irureko jaietan

Irureko jaiak (2015eko irudia).

Datorren domekan ospatuko dira jaiak Irure auzoan. Aurten, herri-kirol saioa ere antolatu dute.

Ohikoa den moduan, jai egitaraua eguerdiko 12:30ean hasiko da San Esteban ermitan eskeiniko duten mezarekin. Ostean, nobedade moduan, herri-kirol saioa izango da aizkolari eta harrijasotzaile gazteekin.

Aizkoran, Mikel Agirrek eta Uxue Ansorregik jardungo dute, eta harri-jasotzen, berriz, Iñigo Jimenezek eta Xabier Zelai-luze-k.

Amaitzeko, luntxa izango da bertaratzen diren guztientzako, Lutxurdio eta Bixkai trikitilariek alaituta.