Txurro-saltzailea eta auto-txokeak etorri dira oraingoz Erregetxera. Baina barraka gehiago ere izango dituzte umeek eta gazteek jaietan aukeran. Guztiak ere gertu izango dira uztailaren 23rako. Eta berritasunak izango dira aurten.
Hain justu ere, lapiko txikia barik, zezen-mekanikoa ekarriko dute. Horrez aparte, Wipe-out-ik ez da izango, autotxokeen partez etorri zen-eta iaz barraka hori.
Bi euro bidaiako
Eta oro har, barraken prezioan ere bada aldaketa. Ze iaz buelta bakoitzeko 1,80 euro ordaindu behar bazen, aurten 2 euro da bidaiaren prezioa; lau bidaia erosita, berriz, 6 euro da prezioa (1,50 euro bidaia bakoitza). Urtero eskatu dute barrakeroek prezioa handitzea, euren esanetan Soraluzen ez dute-eta beste leku batzuetan moduan irabazten.
Hori bai, ohi denez, Umeen Eguna ere izango da jaietan eta hori uztailaren 28a izango da. Egun horretan, euro baten izango dira barrakak.