Batukada ikastaro intentsiboa antolatu dute astebururako

Barikuan hasi eta domekara bitartean, zazpi orduko batukada ikastaroa eskainiko du Nerea Mendia soraluzetarrak. Izen-ematea zabalik dago.

Ikastaroko saioak Musika eskolan eskainiko dituzte, ondoren egun eta orduetan: uztailaren 5ean 19:00etatik 21:00etara, 6an 11:00etatik 14:00etara eta 7an 11:00etatik 13:00etara. Azken saioaren ostean, kalejiran aterako dira kalera ikasitakoa erakustera.

Ikastaroaren prezioa 35 euro da. Izena emateko deitu edo idatzi 680 627 416 zenbakira.