Bete-beteta izan zen Plaza Zaharra Ezoziko Ama Abesbatzaren udako kontzertua ikusteko; hori bai, zuhaitzen gerizpean babestu ziren ikusle gehienak, eguzkiak gogor jotzen zuen-eta plaza erdian ipinita zeuden jarlekuetan.
Ikusleak ere kantuan
Pianoa eta bateria lagun, kontzertuaren lehen zatian atzerriko zein bertako kantu ezagunak taularatu zituzten, ikusle gehienak ere kantuan jarriz. Bigarren zatian, berriz, hildakoen meza interpretatu zuten, martxa bizi eta ez-ohikoarekin interpretatu ere.
Bereziki txalotu zituzten bigarren zati horretan Eider Varela sopranoak interpretatu zituen bakarkako zatiak.
Bis modura, Roquiem mezaren Sanctus zatia errepikatu egin zuen abesbatzak. Ordubete inguru iraun zuen udako kontzertuak.
