Astelehenean, hileko azkena izanik, manifestazioa egin zuten pentsio publiko duinak aldarrikatzeko. Eta protesta ekimenaren amaieran jakinarazi zuten irailera arte azkenekoa izango dela, “oporrak” hartuko dituztelako.
Inguruko udalerrietako pentsiodunen mugimenduek oporrak hartzen zituztela ikusita, eta kontuan hartuta orain umeen opor sasoian amama-aitaita askorendako zaintza-lanak areagotu egiten direla, Soraluzeko Pentsiodunen Mugimenduak ere oporrak hartuko ditu asteroko protestei dagokienean.
Hori horrela, irailean ekingo diete atzera ere elkarretaratzeei, indarberrituta, eta aldez aurretik iragarri zuten moduan, protestak eurak bikoizteko asmoarekin.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.