Ina Peñalva (gitarra eta ahotsa), Jondar Plata (bajua), Joseba Mendizabal (gitarra) eta Gotzon Elizburuk (bateria) osatzen dute A Tuti Plain musika taldea. Rock-a eta beste musika estilo batzuk nahasten dituen taldea da, “iluntasunean argi izpiak” ere badirela transmititu nahi duena.
Azken hilabeteotan, buru-belarri jardun dute taldearen lehen maketa prestatzen eta, dagoeneko, gertu dute ordubete inguruko zuzenekoa, lehen aldiz, eguenean Donostiako Dabadaban eskainiko dutena, gaueko 21:30etik aurrera. Soraluzetarrekin batera, Indian Feathers rock talde donostiarrak ere eskainiko du kontzertua.
Pil-pileanek 'A Tuti Plain' taldearen eta grabatzen diharduen maketaren gaineko erreportajea kaleratuko du ekaineko aldizkarian.