2.545 esker on helarazi nahi dituzte, bada, Aspanogi Egunaren antolatzaileek aurtengoak emandakoarengatik. 800 euro batu zituzten txartelen bitartez, 275 euro, berriz, jendeak musu-truk emanda; kamisetak eta bestelakoak salduta, 710 euro batu zituzten eta azkenik, ogitarteko erraldoiari esker, 760 euro.
Sekula baino lehenago
Batutako diruaz aparte, noski, azpimarratzekoa da zapatuan Soraluzen izan zen giro apartekoa. 30 metroko ogitarteko erraldoia sekula baino lehenago agortu zen, adibidez. Eta lepo egon zen herritarrez gainezka Etxaburueta kalea.
Eguerdikoari dagokionez, berriz, pirata gaztetxoz bete ziren Plaza Berria eta inguruak, umeendako izan ziren jolasei esker. Patata tortilla lehiaketari dagokionez, zortzi sukaldari-zalek parte hartu zuten bertan, eta azkenean, epaimahaiaren iritziz, Aitziber Mayorena izan zen tortillarik goxoena. Eta otarra, berriz, Zigor Gallastegik eskuratu zuen.