Apurka-apurka udalerria badoa azken hilabeteotan Patriak eten duen normaltasuna berreskuratzen. Errabal kalea zabaltzeaz gain, datozen egunotan lehengoratuko dituzte telesaila grabatzeko egin zituzten aldaketak.
Gaur, barikua, Plaza Zaharreko jarlekuak ipini dituzte. Astelehenean, gertu lagako dute guztia lehengo farolak jartzeko eta martitzenean ipiniko dituzte.
Jarlekuak eta beste
Zubi Nagusiari dagokionez, gaur, barikua, geltoki berriko baranda eta seinaletika ipini dituzte, eta egunotan bueltatuko dituzte bere lekura, jarlekuak eta jardinerak. Horrez gain, bueltan ekarriko dute Gaztetxearen aurreko telefono kabina ere.
Bestalde, eguaztena eta eguena bitartean, Santa Anako, Gabolatseko eta Zubi Nagusiko zorua gorriz margotuko dute. Ezozibidean, berriz, dagoeneko aldatu dituzte farolak, eta, baranda, berriz, datozen egunetan ipiniko dute.