“Orain dela bi urte Soraluzen egin genuen kontzertua Elgoibarko bandarekin, eta eurek nahi izan dute gaurkoa osatzea. Elgoibarren bakarrik dago koru parrokiala. Beraz, gure partaidetzarekin, osatu egingo dute”, esplikatu du Abel Olaizolak, Ezoziko Ama Abesbatzako kideak gaurko kontzertuaren jatorriaz.
Bigarren soraluzetarrak
Hori horrela, Soraluzeko abesbatza osoa bertaratuko da gaur Elgoibarrera. Kalegoen plazan (udaletxe ondokoa) 22:30ean hasita, lehenengo elgoibartarrek hiruzpalau kantu egingo dute, eta ondoren etorriko da soraluzetarren saioa.
Kantu ezagunen popurria egingo dute etxekoek: “Orain dela urte bi Soraluzen Elgoibarko Udal Bandarekin egindako kontzertu berbera egingo dugu: kantaldia, eta bukatzeko Txoriak Txori kantua. Eta aparte eurekin egingo duguna”, esplikatu du Olaizolak.