Hauteskundeen ondoren, datorrenari begira ipini, pentsiodunek pentsioen modeloaz eta pentsio publikoei buruz “erabakitzeko eskubidea” dutela esan, eta atzoko elkarretaratzean iragarri zuten udan asteleheneroko bilkurekin segitzeaz aparte, irailetik aurrera “biderkatu” egingo dituztela pentsioen aldeko mobilizazioak.
Soraluzeko Pentsiodunen Mugimenduak ere bat egin du asmoarekin, besteak beste, azpimarratuz “indar politiko aurrerakoiek” pentsiodunen eskubideak onar ditzaten “nahikoa presionatu lezakeen mugimendu bakarra” dela pentsiodunena.
Dirua badago
Eta berretsi egiten dute “pentsioak bermatzeko eta hobetzeko” funts nahikorik egon badagoela, “nahikoa da aberastasunaren %13a horretara bideratzea, Frantziak, Italiak edo Austriak egiten duten moduan. Pentsio publikoen sostengarritasuna lortzeak borondatea izatea baino ez du eskatzen”, diote.