Urtea hasi zenetik, lehen aldiz jaitsi da Soraluzen langabezia-tasa %13tik. Izan ere, maiatzeko datuen arabera, Soraluzen 235 langabe kontabilizatu dituzte, apirilean baino 19 gutxiago, eta horrek langabezia-tasa %12,54an kokatzen du.
Debabarrena datutan
Eskualdeari dagokionez, udalerri guztietan egin du behera langabeziak, Elgoibarren eta Mendaron izan ezik, bi herri horietan handitu egin da-eta langabe kopurua.
Udalerriz udalerri, honakoak dira azken datuak:
• Deba: 186 - %6,98
• Eibar: 1.541 - % 12,10
• Elgoibar: 514 - %9,29
• Mendaro: 81 - %8,19
• Mutriku: 195 - %7,33
• Soraluze: 235 - %12,54
• Debabarrena: 2.752 - %10,40