19:00etan hasi eta ordu laurdenez, marrazkiak eta argazkiak eskuetan zituztela, isilik helarazi zuten zuhaitzak moztu izanagatik protesta Plaza Berrian elkartu ziren 80 bat herritarrek. Txaloka amaitu zuten elkarretaratzea, eta ondoren udaletxeko aldaparen barandan eskegi zituzten eramandako marrazkietako batzuk.
Elkarretaratzea eginda, sinadurak batzen segituko dute datozen 15 bat egunotan. Bilketa “ondo” doala esan zuten, “jendea badabil erantzuten”, adierazi zuten, eta gogora ekarri zuten sinatu nahi duenak udalerriko tabernetan eta dendetan dituela horretarako paperak.