EH Bilduk ohar bidez gogora ekarri du «askotan salatu izan» dutela agintaldi honetan «gehiegizko zuhaitz mozketak egin direla herrian zehar, kasu batzuetan babes bereziko zuhaitzak ere bota direlarik».
Eta ildo berean kokatzen du Iturburuko zuhaitzen mozketa. Salatzen du herritar asko gelditu direla haren ondorioz «bertako zuhaitzek ematen zuten itzalaz gozatu ezinda».
Eta bat egin du «mozketa hauen aurka Plaza Berrian elkartzeko» deialdiarekin.
«Herritarren premiak eta udalaren ekintzak bateratzeko premia handia dago eta horretarako kudeaketa parte hartzaileagoa da bidea», bukatu dute.