Joan den astean hasi ziren kiroldegiko pasealekuko lorategi berriko landareak sartzen, eta azken egunotako eurien etenaldiaren ondoren, egunotan segitu dute azken landareak sartzen bertan.
Dagoeneko itxuratuta ikusten da ingurua. Eta are itxuratuago izango da bihartik aurrera, orduantxe ipiniko diote-eta egurrezko hesia inguruan, landareak babesteko, bereziki, txakurrez eta haien kakez. Izan ere, horixe izan da inguru horren ezaugarrietako bat azken urteotan: txakur kakez betetako berdegunea izan dela.
Orain, gainera, ingurua hesitu izanaren ondorioz, udaletxetik jakinarazi dute txakur kaken arazoa kiroldegi gainera pasatzen hasi dela, eta bertan azaltzen hasi direla txakur kakak, eguna joan eta eguna etorri.