Iaz ere zuritu zituzten, eta aurten beste errepaso bat ematen dihardute udalerriko espaloiei Debabarrena Mankomunitateko makina bereziarekin. Joan den astean hasi zituzten lanak Txurrukenen (inguruko parkeak barne), eta apurka-apurka erdigunera ailegatu eta udalerriko beste alderainoko espaloiak zuritzen joango dira.
Bestalde, joan den astean libratu zuten elizatariko estolda-zuloa. Nahikoa trabatuta zegoen hura, ikusita bertatik atera duten zikinkeria piloa. Estolda-zuloarekin batera, eliza-atari ingurua ere garbitu zuten udal langileek.
Azkenik, salaketa ere egin dute Maisuen Etxe inguruan ipinitako lorategi txikiaren harira; izan ere, landare-lore berriak landatu eta berehala “desagertu” egin da bertatik halako bat.