Gaur, eguaztena, hasi dituzte Iturburu pasealekuan arrapala berria eraikitzeko lanak, Goki enpresaren eskutik.
Izan ere, Gogortuz Fisioterapia Zentroaren beheko lokalean zerbitzu berria eskaini behar dute: terapia aktiborako eta berregokitzapenerako gunea; eta hain justu, bertara modu irisgarrian ailegatzeko eraikiko dute arrapala.
Arrapala zabala
Bi metro zabal izango da arrapala, gurpildun bi aulki batera kabitzeko bestekoa, eta %6ko penditza izango du. Paretaren kontra eraikiko dute, berdegunean zegoen zuhaitza aintzat hartuta zegoelako arrapalaren diseinuan.