Arraikuako iturria zaborrez beteta

Arraikuako iturritik ateratako zaborra.

Harrituta geratu ziren atzo, eguena, udal langileak Arraikuako iturria libratzera joan zirenean. Estolda-zuloa zabaldu eta mota guztietako zaborrez beteta aurkitu zuten, “eta hori bi zakarrontzi bertan egonda”, salatu du alkateak.

Freskagarri latez eta plastiko hondakinez beteta zegoen Arraikuako iturriaren estolda-zuloa. Iturriak urik tragatzen ez zuela-eta, berau libratzen jardun zuten atzo udal langileek eta argazkian ikusten den zabor guztia atera zuten bertatik.