Zer egiten du soldatzaile batek? Edo teknikari batek? Edo arraindun batek? Edo kazetari batek? Zela egiten du lan? Non? Zenbat orduz?… Halako xehetasunen berri jasotzen dabiltza egunotan Plaentxi Herri Ikastetxeko neska-mutikoak; helburua da lehen eskutik, profesionalen eskutik entzun ditzaten lanbideren batean edo bestean jarduteak dituen ezaugarriak, baldintzak eta desberdintasunak.
Gurasoen laguntzarekin
Horretarako gurasoak gonbidatu dituzte, norbere lanbidearen berri ematera. Eta besteak beste, bisitarien artean, Pil-pilean Herri Komunikabideko kazetari bat ere bertaratu da, Plaentxi Herri Eskolako ikasleei kazetari izatea eta zehazki, tokian tokiko euskarazko hedabide bateko kazetari izatea zer den eurekin konpartitzeko.