Udaltzaingoak jakinarazitakoaren arabera, 18:39ean jaso zuten gertakariaren abisua, Gabolats kaletik. 30-35 urte inguruko emakume batek Estankora jo zuen babes bila. Bertan laguntza eskatu zuen, esanez senarrak jo egiten zuela eta norbaitek etxera laguntzea nahi zuela, pasaportearen eta bestelako paperen bila.
Hirugarren atxiloketa
Estankokoek Udaltzaingoari abisatu zioten eta haiek Ertzaintzari. Polizia bertaratu, eta gizonezkoa atxilotuta eraman zuen, biolentzia matxista delituaz akusatuta. Emakumeak ez du salaketarik ipini.
2019a hasi denetik, Soraluzen hiru gizonezko atxilotu dituzte indarkeria matxistaz akusatuta.