Udalekuetan begirale izateko baldintzak dira 18 urtetik gorakoa izatea eta begirale titulua edukitzea. Horretaz gain, baloratuko dute herrikoa izatea.
Uztailaren 8tik 19ra
Aurtengo udaleku irekiak uztailaren 8tik 19ra bitartean egingo dituzte. Ohi moduan, 4-12 urte bitarteko neska-mutikoei zuzendutako aisialdi eskaintza da berau. Goizez egiten dituzte ekimen nagusiak, eta baita batzuk arratsaldez ere. Gaua etxetik kanpo ere pasa izan dute.
Batez beste 180 neska-mutikotik gora parte hartzen dute udalekuetan; iaz 184k, eta haiek gidatzen jardun zuten 17 begiralek. Kukumixok kudeatutako zerbitzua da.