Haurreskolan 0-2 urteko haurren zaintza eta hezkuntza zerbitzua eskaintzen dute. 07:30ean hasi eta 17:00ak arteko ordutegia du, urtean 208 egunetan. Eta norberak aukeratutako ordutegiaren araberakoa da zerbitzua.
Hori bai, umea ezin da egunero 8 ordu baino gehiagoan bertan egon. Gaur gaurkoz, 7 neska-mutiko daude bertan.
Beharren arabera
Haurreskolak Partzuergoaren barnean dago Haurreskola. Bertako hezitzaileek azpimarratu dute umeei “arreta pertsonalizatua” eskaintzen dietela, haurren beharren araberakoa. Ildo beretik, gaineratu dute “mugimendu askean” oinarritzen direla: “Ez gara haur batek bere kabuz lortu ez duen posturara aurreratzen. Haur guztiek oinez ikasiko dutenaren konfiantza daukagu. Mugimendu aske honek onura asko ekarriko dizkio: auto-estimazioa indartuko du, bere mugak eta ahalmenak ezagutzeko gai izango da eta abar”.
Informazio gehiago: Haurreskolan bertan edo 943751332 telefono zenbakian.