Soraluzen grabatu behar duten ustezko bigarren telesailerako casting-a bihar eta etzi egin behar dutela iragarri dute sare sozialen bitartez -Todo por la Patrika-. Diotenez, Brad Pitt eta Julia Roberts Soraluzen ibiliko dira egunotan. Azken asteotan bolo-bolo dabiltzan berri faltsu horien jarraipena da kontua, jakina.
Periodikoko «albisteak» dioenez, edozein «pertsona edo animalia» aurkez daiteke casting-era.
Horrez aparte, besteak beste, gaineratzen dute «875 leku dituen lur azpiko aparkalekua eraikiko duela telesailaren produktorak, herritarrenganako eragozpenak gutxitzeko».
Eta eskatzen diete, besteak beste, behin halakoak egiten hasita, Gila zubia bota eta Portugaletekoa moduko zubi transbordadore bat eraiki dezatela.
Soraluzeko albiste nabarmenenak eta azken ordukoak Whatsapp edo Telegram bidez jaso nahi dituzu? Harpidetu zaitez doan!
WHATSAPP: Bidali ALTA 699 86 87 29 telefono zenbakira –Whatsapp bidez–.
TELEGRAM: Batu zaitez @plaentxia kanalera.