Atzo, barikua, 18:00ak inguruan abisatu zuten sutea piztuta zegoela Ezozibiden. Bost bat gazte suarekin jolasean zebiltzala, haien sugarrak zabaldu eta inguruko larreak piztu ziren.
Kuboekin
Lekukoek kontatutakoaren arabera, inguruan zeuden helduak berehala hasi ziren kuboekin sua emendatzen. Gazteak eurak ere bertan geratu ziren, eta gurasoei abisatu zieten, gertakariaz jakinarazteko. Suhiltzaileak ailegatu ziren gutxira, eta baita Udaltzaingoa ere. Zorionez, sua ez zen lar zabaldu, eta suhiltzaileek esandakoaren arabera, 19:00ak aurretik dagoeneko kontrolatuta zuten.
Gazteen deskuidua izanda eta gertaeraren larritasuna kontuan hartuta, hala ere, Soraluzeko Udaletik jakinarazi dute datozen egunotan gazteen gurasoekin berba egingo dutela gertakariaz.