Eguaztenenean, martxoaren 20an, 16:00etan elkartuko dira udaletxeko osoko bilkuren aretoan etorkizuneko skate parkeari buruz berba egiteko.
Aisialdia eta kirola
Padel pistaren ondoan egokitu nahi du Udalak skate gunea, gazteek aspalditik horrela eskatuta dutelako, eta gazteen artean kirolarekin lotutako aisialdi aukerak bultzatzeko. Hori horrela, batzarrera bereziki daude gonbidatuta skategunearekin interesatuta dauden gazteak. Udaleko Haur eta Gazte saileko ordezkariek bertan azalduko diete skateparkea ipintzeko dauden aukerak eta aurrekontua zeintzuk diren.