EH Bilduren iritziz, lan-istripuen arazoa estrukturala da, atzean "faktore komunak" daudelako: "prekarietatea, azpikontratazioak, segurtasun falta... baita azken istripu honetan ere".
EH Bilduk gai honetan administrazio publikoek duten "ardura" azpimarratu du. "Gipuzkoako Aldundia mantzentze-lanak azpikontratatzen ari da eta horrek prekarietatea eta lan-baldintzen kaxkartzea dakar. Horren aurrean Aldundiari exigitzen diogu neurriak har ditzan, lan istripu gehiago gerta ez dadin". Horrekin batera, koalizioak bere kezka agertu du instituzio publikoek gertatutako "azkenengo lan istripuen aurrean mantendu duten isiltasunagatik".