Gaurkoaz aparte, Soraluzen astelehenetan eta eguenetan egingo dituzte elkarretaratzeak. Beraz, hurrengo astelehenean elkartuko dira berriro ere, 19:00etan.
Lan-baldintzei lotutako eskariak
Protesta sorta honekin guztiarekin aldarrikatu nahi dutena da, besteak beste, 2016az geroztik izoztuta dituzten soldatak eguneratzea; langileen antzinatasuna kontuan hartu eta soldatetan aitortzea; norbere beharretarako hiru egun hartzeko eskubidea; egunero ordaindutako 20 minutuko atsedenaldia egin ahal izatea; eszedentziarako eskubidea izatea 10 urte bitarteko seme-alaben kasuan, eta lan-jarduna murrizteko eskubidea haiek 15 urte izan artean.
Protestak Deba eskualdean
Eskualdean mobilizatzeko hainbat hitzordu ipini dituzte: domekan, otsailaren 24an, auto karabana egingo dute, 11:30ean Bergarako Eroskitik abiatuta. Martitzenean, otsailaren 26an, berriz, Eibarko Udaletxe aurrean elkarretaratzea egingo dute, 12:00etan. Eta eguaztenean auto karabana abiatuko da Eibarko Eroskitik, 11:30ean. Martxoaren 5ean, berriz, 12:00etan Bergarako Udaletxe aurrean elkartuko dira eta martxoaren 6an, Arrasateko Eroskitik abiatuko da auto karabana. 11:30ean.
Gipuzkoa mailakoei dagokienez, otsailaren 25ean Diputazioaren aurrean elkartuko dira protesta egiteko. Eta martxoaren 1ean eta 10ean Donostian egin dute hitzordua, elkarretaratzea eta manifestazioa egiteko.