Gorka Mujikaren batutapean, minutu bateko isilunea eta Jesus Urizarrek gustukoen zuen El pajaro chogui kantua interpretatuta, omenaldia eskaini zion Elgoibarko Udal Musika Bandak hil berri den Duo Plaentxiko kideari.
Antzokia lepo
Otsailaren 3an egindako kontzetuan Elgoibarko antzokia lepo bete zen, izan zen kanpoan sartu ezinda geratu zenik ere, eta kontzertuaren amaieran zutik ipinita, txalo zaparrada luzea jo zuten bertaratutako guztiek, Urizarren omenezko isilunearen ondoren. Jesus Urizarren seme Iban Urizar Ondartzak ere parte hartu zuen aitari egindako omenaldian. Fliskornoa jotzen du Elgoibarko musika bandan.
Bideoa Eulogio Mancebo udaltzain elgoibartarrak grabatu eta partekatu du.